930x90 Website name and slogan

ჩემპიონები გამოვლინდნენ!

მსოფლიო-ევროპის  ჩემპიონატების მრავალგზის  ჩემპიონის და პრიზორის  თამარ  ხმიადაშვილის  დამაჯერებელი გამარჯვებით  დასრულდა საქართველოს  ჩემპიონატი  სენიორ მოჭადრაკეთა  შორის! ჩემპიონმა 7-დან 5 ქულა დააგროვა და ერთი ქულით გაასწრო მეორე ადგილზე  გასულ  გიული ალიხანაშვილს. მესამე ადგილზე ასევე 4 ქულით და უარესი მაჩვენებლებით ციალა ქასოშვილი გავიდა.

I-II ადგილზე გასული მოჭადრაკეები დაჯილდოვდნენ მსოფლიოსა და ევროპის სენიორ ქალთა ჩემპიონატების საგზურით;საქართველოს ჩემპიონს ეძლევა საგზურის არჩევის უფლება.

მაღალაშვილმა საბერძნეთში იყოჩაღა!

 

საპრიზო სამეულში გავიდა დავით მაღალაშვილი საბერძნეთის ქალაქ თესალონიკში გამართულ საერთაშორისო ტურნირში. შეჯიბრი შვეიცარული სისტემით 9 ტურად ჩატარდა ორი ქართველი მოჭადრაკის:დავით მაღალაშვილის და გიგა ყუფარაძის მონაწილეობით.

9-დან 7,5 ქულით გამარჯვება არავის დაუთმო ვლადისლავ  ნევედნიჩიმ (მოლდავეთი).7-7 ქულით II-III ადგილები გაინაწილეს და კოეფიცინეტთა ცხრილით შემდეგნაირად განლაგდნენ:

2.დავით მაღალაშვილი; 3.ნიკოლა ნესტორივიჩი (სერბეთი).

დავით ჯოჯუას გამარჯვებით დასრულდა!

შესანიშნავად ითამაშა დავით  ჯოჯუამ ესპანეთის  ალმერიაში დასრულებულ საერთაშორისო ტურნირზე!

ასპარეზობა შვეიცარული სისტემით 9 ტურად  გაიმართა და 7 ქულით პირველობა ერთბაშად 8 მონაწილემ: ჯოჯუამ (საქართველო), ფორსენმა(ესპანეთი),სვეტუხინმა (მოლდავეთი), კლეკოვსკი (პოლონეთი),კორპამ (უნგეთი), კუენსამ (ესპანეთი), პალვეტმა (ვენესუელა) და ლიუმ  (ჩინეთი) გაინაწილა. დამატებითი მაჩვენებლებით პირველობა ქართველ მოჭადრაკეს ერგო.

იტალიის ვილორბაში...

იტალიის  ვილორბაში დასრულდა საერთაშორისო ‘ღია’ ტურნირი ქართული ჭადრაკის ლიდერის ბაადურ ჯობავას მონაწილეობით.

თბილისელმა  დიდოსტატმა 9-დან 6,5 ქულა დააგროვა და II-IV ადგილები გაინაწილა: ფერენც ბერკეშთან (უნგრეთი) და ანტონ კორობოვთან (უკრაინა) ერთად.დამატებითი მაჩვენებლებით ჯობავა მესამე ადგილზე გავიდა. პირველი ადგილი კი 7 ქულით  რიჩარდ რაპორტმა (უნგრეთი) დაისაკუთრა.

შეჯიბრი  შვეიცარული სისტემით 9 ტურად გაიმართა და რიგით მეორე გახლდათ.

გილოცავთ!

საქართველოს  ჭადრაკის ფედერაცია გილოცავთ ახალ წელს!

2017 წელი თბილისის საახალწლო ტურნირმა დაასრულა...

2017 წლის ბოლო საჭადრაკო ღონისძიება 31 დეკემბერს გაიმართა ჭადრაკის სასახლეში. თბილისის მერიის ხელშეწყობით 'საახალწლო ღია ტურნირი' ტრადიციულად  დეკემბრის ბოლოს იმართება.შეჯიბრი შვეიცარული სისტემით 9 ტურად ჩატარდა ელვისებურ ჭადრაკში და პირველობა არავის დაუთმო საქართველსო მოქმედმა ჩემპიონმა ვაჟთა შორის ლუკა პაიჭაძემ. ხოლო ქალთა შორის პირველობა ნონა დათუაშვილმა დაისაკუთრა.

 

ვაჟთა შორის:

I    ადგილი - ლუკა პაიჭაძე - 7,5 ქულა;

Top