მეოთხედფინალში ნანას მეტოქე დრონოვალი იქნება

ირანის დედაქალაქ თეირანში, მიმდინარეობს  მსოფლიოს ჩემპიონატი ქალთა შორის ნოკაუტ-სისტემით. ასპარეზობა მსოფლიოს უძლიერესმა 64 ქალმა დაიწყო და მათ შორის 8 ქართველი იყო. სამი წრის შემდეგ გამოვლინდა  8 საუკეთესო მონაწილე და   ქართველებიდან მხოლოდ ნანა ძაგნიძე დარჩა.

დღეს გაიმართება მეოთხედფინალური მატჩის პირველი პარტია  და ნანას მეტოქე ინდოელი ხარიკა დრონოვალი იქნება. მატჩი 2 ძირითადი პარტიისგან შედგება და ფრედ დასრულების შემთხვევაში დამატებითი ტაი-ბრეიქი გაიმართება.გამარჯვებული მოჭადრაკე  მსოფლიოს ჩემპიონატის ნახევარფინალში იასპარეზებს.

მეოთხედფინალური მატჩები:

ცზიუ ვენზუნი - ტან ჟონგი

ხარიკა დრონოვალი - ნანა ძაგნიძე

ანა მუზიჩუკი - ანტოანეტა სტეფანოვა

ალექსანდრა კოსტენიუკი - ნი შიცზიუნი

შეხვედრათა  განრიგი:

20-22 თებერვალი - IV წრე

23-25 თებერვალი -V წრე (ნახევარფინალი)

26  თებერვალი     -  დასვენების დღე

27 თებერვალი    -   3 მარტი  - VI წრე (ფინალი)

4 მარტი - დახურვა.

ქალთა მსოფლიო ჩემპიონატის საერთო საპრიზო ფონდი 450 00$ შეადგენს. პირველ წრე - 3 750$

მეორე წრე - 5 500$

მესამე წრე - 8 000$

მეოთხე წრე - 12 000$

მეხუთე წრე (ნახევარფინალი) – 20 000$

მეექვსე წრე (ფინალი) - დამარცხებული (ვერცხლის მედალოსანი) დაჯილდოვდება 30 000$ -ით, ხოლო გამარჯვებული - მსოფლიოს ჩემპიონი - 60 000$  დაისაკუთრებს.

ჩემპიონატის ოფიციალური ვებგვერდი