'ნანას' თასი საგარეჯოელებმა დაისაკუთრეს!

23 ნოემბერს გურჯაანის საჭადრაკო კლუბში გაიმართა ქართველი ლეგენდარული მოჭადრაკის ნანა იოსელიანის თასის გათამაშება.

ასპარეზობაში ერთმანეთს  კახეთის რეგიონის საჭადრაკო სკოლების გუნდები ეჯიბრებოდნენ. ტურნირი 8 ნაკრებს  შორის წრიული სისტემით 7 ტურად გაიმართა, თითოეულ გუნდი 6 მოჭადრაკისგან შესდგებოდა. ასპარეზობის მსვლელობას თვალს ადევნებდნენ საქართველოს ჭადრაკის ფედერაციის პრეზიდენტი გია გიორგაძე და ადგილობრივი თვითმართველობის წარმომადგენლები.

მონაწილეობდნენ: გურჯაანის ორი გუნდი, ლაგოდეხი, საგარეჯო,თელავი, ყვარელი, ახმეტა, სიღნაღი.

პირველ ადგილზე  საგარეჯო (მწვრთნელი ირაკლი ქვლივიძე)  გავიდა , მეორეზე თელავის (მწვრთნელი თამარ ხმიადაშვილი)  გუნდი, ხოლო მესამე ადგილი მასპინძლებმა ( გურჯაანი-მწვრთნელი გიორგი ქიტესაშვილი) დაისაკუთრეს.

სამივე  გამარჯვებული გუნდი დაჯილდოვდა საჭადრაკო პროფესიონალური პროგრამებით აღჭურვილი  პერსონალური კომპიუტერით.ხოლო, გუნდის მონაწილეები მობილური ტელეფონით.