ძირითადი ფრედ დასრულდა...

ნიუ-იორკში დასრულდა მსოფლიო ჩემპიონობისათვის მატჩის  კლასიკური თორმეტი პარტია, სადაც ერთმანეთს მოქმედი ჩემპიონი მაგნუს კარლსენი ( ნორვეგია ) და ტიტულის მაძიებელი სერგეი კარიაკინი ( რუსეთი) ხვდებოდნენ.

მეთორმეტე პარტია, რომელშიც თეთრებით კარლსენი თამაშობდა, ყველაზე ხანმოკლე გამოდგა. გათამაშდა ამ დაპირისპირებისათვის ყველაზე პოპულარული ესპანური პარტია. პარტია 37 წუთი გაგრძელდა. მეტოქეები 30-ე სვლაზე ყაიმზე შეთანხმდნენ.

სტარტი აიღო ვაჟთა პირველმა ლიგამ...

თბილისის ნონა გაფრინდაშვილის სახელობის ჭადრაკის სასახლეში სტარტი აიღო და 4 დეკემბრამდე  გასტანს  საქართველოს ვაჟთა  76-ე ჩემპიონატის  პირველი  ლიგა.

ტურნირი 38 მონაწილეს შორის შვეიცარიული სისტემით 9 ტურად გაიმართება. I - IV ადგილზე გასული მონაწილეები  უმაღლესი ლიგის საგზურს მოიპოვებენ.

შეჯიბრში 14 საერთაშორისო წოდების მქონე მოჭადრაკე ასპარეზობს. მათ შორის 3  შორის საერთაშორისო დიდოსტატი და  6  საერთაშორისო ოსტატია. 

 

ერთპიროვნულად დაწინაურდა!

ნინო ბაციაშვილი ერთპირონულად დაწინაურდა, ხანტი-მანსიისკში მიმდინარე  ქალთა  გრან პრის დასკვნით ეტაპზე!

მეხუთე ტურში ბათუმელმა დიდოსტატმა თეთრი ფიგურებით დაამარცხა  საფრანგეთის სახელით მოასპარეზე ელმირა სკრიპჩენკო და  ნახევარი ქულით უსწრებს მეორე ადგილზე მყოფ ვალენტინა გუნინას.

პირველი გამარჯვება მოიპოვა ტურნირში ბელა ხოტენაშვილმა. მან, ერთ-ერთი  ლიდერი  ოლგა გირია დაამარცხა.ფრედ დაასრულა შეხვედრა ირანელ ხადემალშარეხთან  ლელა ჯავახიშვილმა.

დამაჯერებლად გაიმარჯვა!

საერთაშორისო  დიდოსტატ მირანდა მიქაძის  დამაჯერებელი ლიდერობით დასრულდა საქართველოს 74-ე ჩემპიონატის პირველი ლიგა!

გამარჯვებულმა  9-დან 7 ქულა დააგროვა და მარცხის გარეშე დაასრულა ასპარეზობა. ნახევარი ქულით ნაკლები დააგროვეს: თამარ წერეთელმა და სოფიო გვეტაძემ. 6-6 ქულით IV-V  ადგილები გაინაწილეს:  ანა კუჭავამ და ნინო ხურციძემ.

ხუთივე მოჭადრაკემ მოიპოვა საქართველოს ქალთა 74-ე ჩემპიონატის უმაღლეს  ლიგაში ასპარეზობის უფლება.

სენიორები ჩეხეთში ასპარეზობენ...

ჩეხეთის  ქალაქ მარიანსკე-ლაზნეში მიმდინარეობს რიგით 26-ე მსოფლიოს ჩემპიონატი სენიორ მოჭადრაკეთა შორის. ასპარეზობა  2 კატეგორიაში ტარდება: +50 წელი და +65 წლის ზემოთ, როგორც ქალთა ასევე ვაჟთა შორის.

პირველობას ინაწილებს!

4-დან 3 ქულით I-III ადგილებს ინაწილებს საქართველოს ნაკრების წევრი ნინო ბაციაშვილი ხანტი-მანსიისკში მიმდინარე ქალთა საჭადრაკო გრან პრის გათამაშებაზე.ნინოს,მსგავსად  3 ქულა აქვთ აქტივში,რუსეთის ნაკრების წევრებს: ვალენტინა გუნინას და ოლგა გირიას.

ლიდერებს ნახევარი ქულით ჩამორჩებიან და IV-V ადგილებს ინაწილებენ აზიელი მოჭადრაკეები ცზიუ ვენცზიუნი და სარასადატ ხადემალშარეხი.

 

მეოთხე ტურის შედეგები:

5:4 - პრეტენდენტის სასარგებლოდ...

ფრედ დასრულდა  ნიუ-იორკში მიმდინარე  მატჩის მეცხრე პარტია  მაგნუს კარლსენსა და სერგეი კარიაკინს შორის.

თეთრი ფიგურებით რუსი დიდოსტატი თამაშობდა. შეხვედრაში ესპანური პარტია გათამაშდა, სადაც კარიაკინმა მცირე უპირატესობა მიიღო. მთელი პარტია თეთრების ინიციატივით მიმდინარეობდა, კარლსენმა ალბათ ვერ გაუძლო ემოციურ დაძაბულობას და 39-ე სვლაზე უხეში შეცდომა დაუშვა. თუმცა, პრეტენდენტმა ვერ შესძლო უპირატესობის გამოყენება და 74-ე სვლაზე  ხუთსაათნახევრიანი ბრძოლის შემდეგ პარტია ფრედ დასრულდა.

კარიაკინმა ანგარიში გახსნა...

ნიუ-იორკში  მიმდინარე  მსოფლიო ჩემპიონის ტიტულისათვის მატჩში, ზედიზედ  7 ფრედ დასრულებული შეხვედრის შემდეგ სერგეი კარიაკინმა  ანგარიში გახსნა და მოქმედი ჩემპიონი მაგნუს კარლსენი დაამარცხა. აღსანიშნავია, რომ მერვე ტურში ტრადიციული პირველი სვლა მოწვეულმა სტუმარმა, ამერიკელმა ასტროფიზიკოსმა და მწერალმა  ნილ დეგრას ტაისონმა გააკეთა.

ბაციაშვილი დაწინაურდა!

ხანტი- მანსიისკში მიმდინარე 2015/16 წწ. საჭადრაკო გრან პრის დასკვნითი ეტაპის ასპარეზობას,  2 ტურის შემდეგ 2-2 მოგებით  ნინო ბაციაშვილი და  მასპინძელთა წარმომადგენელი ვალენტინა გუნინა ლიდერობენ.

პირველ ტურში  ნინომ ბელა ხოტენაშვილი დაამარცხა, ხოლო  მეორე ტურში შავებით მოთამაშე ბაციაშვილმა ქალთა ჭადრაკის ტოპ ათეულის წარმომადგენელი დრონოვალი ხარიკა დაჯაბნა. ხოლო, ტურნირის დანარჩენმა ქართველმა მონაწილეებმა:    ჯავახიშვილმა და ხოტენაშვილმა   შესაბამისად ვენცზიუნთან და პოგონინასთან  წააგეს.

გვერდები

Top