ერთპიროვნულად დაწინაურდა!

თბილისში, მიმდინარე ევროპის ქალთა ჩემპიონატს სწრაფ ჭადრაკში 5 ტურის შემდეგ ერთპიროვნულად ლიდერობს მსოფლიოს 2015 წლის გუნდური ჩემპიონატის გამარჯვებული ბელა ხოტენაშვილი!

ლიდერს ნახევარი ქულით ჩამორჩებიან: ოლგა გირია (რუსეთი;2426), ელიზაბეტ პეტცი (გერმანია;2475), ალექსანდრა გორიაჩკინა (რუსეთი; 2476), მარია გევორგიანი (სომხეთი;2211), ანა მუზიჩუკი (უკრაინა;2611), ანასტასია ბოდნარუკი (რუსეთი;2425) და პია კრამლინგი (შვედეთი;2405).

ევროპის ქალთა 2018 წლის ჩემპიონატი სწრაფ ჭადრაკში

სწრაფ ჭადრაკში ევროპის ქალთა 2018 წლის ჩემპიონატის მონაწილეთა საყურადღებოდ!

პირველი ტური გაიმართება ხვალ, 30 მარტს 14:30 წუთზე სასტუმრო 'იოტა'-ში.

თბილისის სასტუმრო ‘იოტა’-ში 30 მარტს დაიწყება და 2 აპრილამდე გასტანს  ევროპის ქალთა ჩემპიონატი სწრაფ  და ელვისებურ ჭადრაკში.

ბათუმის 'შერატონში' დაჯილდოების ცერემონია გაიმართა...

ბათუმში დასრულდა ევროპის  მე-19 ინდივიდუალური ჩემპიონატი ჭადრაკში რომლის გამარჯვებული  ხორვატი ივან შარიჩი გახდა. სასტუმრო ‘შერატონში’ გაიმართა დაჯილდოების ცერემონია, რომელსაც საქართველოს კულტურისა და სპორტის მინისტრის მოადგილემ შალვა გოგოლაძე, აჭარის მთავრობის თავმჯდომარე ზურაბ პატარაძე, ლატვიის ფინანსთა მინისტრი,ჭადრაკში საერთაშორისო დიდოსტატი დანა რიეზნიცე, ევროპის საჭადრაკო კავშირის პრეზიდენტი ზურაბ აზმაიფარაშვილი და საქართველოს ჭადრაკის ფედერაციის პრეზიდენტი გია გიორგაძე ესწრებოდნენ.

ბათუმი 2018: ოფიციალურმა პირებმა სპორტული კომპლექსი დაათვალიერეს

ევროპის საჭადრაკო კავშირის პრეზიდენტმა ზურაბ აზმაიფარაშვილმა, საქართველოს კულტურისა და სპორტის მინისტრის მოადგილემ შალვა გოგოლაძემ, აჭარის მთავრობის თავმჯდომარემ ზურაბ პატარიძემ, ასევე ფიდე-ს და ესკ-ის მაღალჩინოსნებმა ბათუმში მშენებარე მულტიფუნქციური სპორტული კომპლექსი დაათვალიერეს.

შენობა, რომელიც შემოდგომით 43-ე საჭადრაკო ოლიმპიადას უმასპინძლებს, სპორტის სხვადასხვა სახეობებისთვისაა განკუთვნილი და ორ დარბაზს აერთიანებს: დიდი 2500 მაყურებელზეა გათვლილი, მცირე - 600-ზე.

ბათუმში, ევროპის პირველობა დასრულდა...

ევროპის  ჩემპიონის ტიტული ერთპიროვნულად მოიპოვა ივან სარიჩმა (ხორვატია;2657). გამარჯვებულმა 11 შესაძლებლობიდან 8,5 ქულა დაგროვა. გამარჯვებულს ნახევარი ქულით ჩამორჩნენ და დამატებითი მაჩვენებლებით შემდეგნაირად განლაგდნენ:

2.რადოსლავ ვოიტაშეკი (პოლონეთი; 2738) – 8 ქულა;

3.სანან სიუგიროვი        (რუსეთი; 2652) – 8 ქულა;

4.გევეინ ჯონსი             (ინგლისი; 2651) – 8 ქულა;

ზურაბ აზმაიფარაშვილი ევროპის საჭადრაკო კავშირის პრეზიდენტობის კანდიდატად წარადგინეს

ზურაბ აზმაიფარაშვილი ევროპის საჭადრაკო კავშირის პრეზიდენტობისთვის კვლავ იბრძოლებს. ქართველი დიდოსტატის კანდიდატურა საქართველოს ჭადრაკის ფედერაციის პრეზიდენტმა გიორგი გიორგაძემ დღეს ბათუმში, სასტუმრო „შერატონში“ გამართულ ევროპის საჭადრაკო კავშირის სხდომაზე წარადგინა.
 

ფინიშამდე ორი ტურით ადრე...

ბათუმში, მიმდინარე ევროპის პირველობას 9 ტურის შემდეგ ლიდერობენ:

რადოსლავ ვოიტაშეკი (პოლონეთი;2738), გევეინ ჯონსი (ინგლისი;2651), ანტონ კორობოვი (უკრაინა;2664) და მაქსიმ მატლაკოვი (რუსეთი;2707). მომდევნო ტურში სწორედ ამ ოთხეულის ერთმანეთში  დაპირისპირება იქნება ყურადღების ცენტრში.  

აღსანიშნავია, რომ დღევანდელ ტურში ლიდერების შეხვედრაში პირველი სვლა  ჩემპიონატის საპატიო სტუმარმა, ლატვიის  ფინანსთა მინისტრმა, საერთაშორისო დიდოსტატმა დანა რიეზნეცემ გააკეთა.

ევროპის საჭადრაკო კავშირის საბჭოს შეკრება

"შერატონ-ბათუმი" ევროპის საჭადრაკო კავშირის საბჭოს  სხდომას მასპინძლობს. დელეგატებმა 43-ე საჭადრაკო ოლიმპიადის ბრენდირებულ ნივთებთან ერთად აჭარის ტურიზმის დეპარტამენტის საჩუქრებიც მიიღეს.

მჭედლიშვილმა მსოფლიო ჭადრაკის გამორჩეული ფიგურა დაამარცხა!

ევროპირველობის მეშვიდე ტურში მიხეილ მჭედლიშვილმა მსოფლიო ჭადრაკის ერთ-ერთი ყველაზე გამორჩეული ფიგურა, ვასილ ივანჩუკი დაამარცხა! ქართველმა დიდოსტატმა  მეტოქე დაძაბულ ბრძოლაში 37-ე სვლაზე დაჯაბნა! იხილე პარტია

მერვე ტურში მჭედლიშვილის მეტოქე  ევროპის ექსჩემპიონი ერნესტო ინარკიევი იქნება.

სამთავრობო ვიზიტის ფარგლებში

საქართველოში ბელარუსის  პრეზიდენტის ალექსანდრე  ლუკაშენკოს ვიზიტის ფარგლებში თბილისში სხვადასხვა სახის ღონისძიებები გაიმართა.

ერთ-ერთ მათგანს ნონა გაფრინდაშვილის სახელობის ჭადრაკის სასახლემ უმასპინძლა. ერთმანეთს ამხანაგურ მატჩში თბილისელი და მინსკელი მოზარდები (12 წლამდე ასაკის) დაუპირისპირდნენ. თბილისელ  მოჭადრაკეების სახელით იასპარეზეს: ნიკოლოზ დარსაძემ, დენიელ საფაროვმა, ალექსანდრე ყორღანაშვილმა და ანა მამარდაშვილმა.

გვერდები

Top