მორიგი გამარჯვება!

ლეგენდარული ნონას  გამარჯვებით დასრულდა  ნორვეგიის დრამენში გამართული ევროპის ჩემპიონატი სენიორ (65+) მოჭადრაკეთა შორის!

გამარჯვებულმა პირველობა 9-დან  5,5 ქულით  ელენა  ფატალიბეკოვასთან (რუსეთი) გაინაწილა და დამატებითი მაჩვენებლებით დაჯაბნა მეტოქე. ნახევარი ქულით ნაკლები დააგროვა და ბრინჯაოს მედალი დაისაკუთრა  მსოფლიოს და ევროპის ჩემპიონატების მრავალგზის ჩემპიონმა და პრიზიორმა სენიორთა შორის  თამარ ხმიადაშვილმა.

შანავამ თურქეთში იმარჯვა!

საერთაშორისო დიდოსტატ  კონსტანტინე შანავას  დამაჯერებელი გამარჯვებით დასრულდა თურქეთის მალათიაში გამართული საერთაშორისო ტურნირი.

გამარჯვებულის  აქტივში 9-დან 7,5 ქულა და ნახევარ ქულიანი სხვაობაა უახლოეს კონკურენტებთან.  5,5 ქულით საერთო ჩათვლაში მე-11 ადგილზე და სენიორთა  (50+) შორის პირველ ადგილზე თბილისელი დიდოსტატი გიორგი ბაღათუროვი გავიდა.

ტექნიკური შედეგები

მიხეილ ბოტვინიკის თასზე

საჭადრაკო ფედერაციების ასოციაციის ორგანიზებით  9-15 აგვისტოს მოსკოვში იმართება საერთაშორისო გუნდური ტურნირი მიხეილ ბოტვინიკის თასზე 14 წლის მოჭადრაკეთა შორის. ტურნირში მონაწილეობს 11 ქვეყნის გუნდი, მათ შორის საქართველოს ნაკრები შემდეგი შემადგენლობით: გიორგი ნაყოფია, აკაკი ყალიჩავა, დიანა ლომაია და ელენე წოწონავა. გუნდის კაპიტანია საერთაშორისო დიდოსტატი - ლუკა პაიჭაძე. ტურნირი საკმაოდ საინტერესო ფორმატით ტარდება,  ყოველ ტურში მოწინააღმდეგე გუნდების მოჭადრაკეები ნაცვლად ერთმანეთისა ეპაექრებიან მოწინააღმდეგე გუნდის კაპიტან-დიდოსტატს.

ნიკოლოზ შამათავას წარმატება პოლონეთში!

8 აგვისტოს პოლონეთის ქალაქ სუვალკიში დასრულდა ირენა ვარაკომსკას მე-2 საერთაშორისო მემორიალი ჭადრაკში. მემორიალი მოიცავდა A, B, C და D ტურნირებს. მემორიალის B ღია ტურნირში, რომელიც განკუთვნილი იყო 1601-დან 2100-მდე რეიტინგის მქონე მოჭადრაკეთათვის, მონაწილეობა მიიღო ზუგდიდის მუნიციპალიტეტის ა(ა)იპ. სპორტულ დაწესებულებათ მართვის ცენტრი“-ს ჭადრაკის განვითარების განყოფილების მოსწავლემ, 2018 წლის საქართველოს ჩემპიონმა 11 წლამდე ჭაბუკთა შორის, 10 წლის ნიკოლოზ შამათავამ.

საქართველოს ჭადრაკის ფედერაციის განცხადება

თბილისის ჭადრაკის სასახლეში დასრულდა მატჩი საქართველოს ქალთა ნაკრების მეხუთე წევრის გამოსავლენად სალომე მელიასა და მერი არაბიძეს შორის. 2,5-1,5 გაიმარჯვა მერი არაბიძემ.

მოჭადრაკეთა და ჭადრაკის მოყვარულთა ინტერესის გათვალისწინებით იხილეთ ჭადრაკის ფედერაციის განცხადება მატჩის შესახებ.

ბათუმი 2018: „ნონას თასს“ იმერეთმა და რაჭამ უმასპინძლა.

4, 5 და 6 აგვისტოს საჭადრაკო ოლიმპიადის ერთ-ერთი პრესტიჟული ჯილდო „ნონას თასი“ იმერეთის და რაჭის ქალაქებში გამოიფინა. 43-ე მსოფლიო საჭადრაკო ოლიმპიადის საორგანიზაციო კომიტეტის, საქართველოს ჭადრაკის ფედერაციის და რეგიონული საჭადრაკო ფედერაციების ძალისხმევით საჩხერეში, ქუთაისსა და ამბროლაურში რამდენიმე საინტერესო ღონისძიება მოეწყო.

გვერდები

Top