ბლოგი

'ჭადრაკი სკოლაში'

 

საქართველოს ჭადრაკის ფედერაციის ეგიდით 2019 წლის 6-7 სექტემბერს თბილისის ჭადრაკის სასახლეში გაიმართა პროექტ  ‘ჭადრაკი სკოლაში’ მონაწილეობის  მსურველ პედაგოგთა   თეორიული სემინარი.

სემინარში მონაწილეობა მიიღეს თბილისის, შიდა ქართლის, სამცხე-ჯავახეთის, იმერეთის და სამეგრელოს წარმომადგენლებმა.

ღონისძიების დასრულებისას მონაწილეებს გადაეცათ შესაბამისი სერთიფიკატები რომლის მეშვეობითაც მათ მოიპოვეს სკოლაში ჭადრაკის სწავლების უფლება.

გოგონათა შორის სამეულს ქუთაისელი მოჭადრაკეები დაეპატრონენ!

 საჭადრაკო ფესტივალის ‘მაიას თასი’ ფარგლებში გამართული ბავშთა საერთაშორისო ტურნირი 12 წლამდე ასაკის გოგონათა შორის ქრისტინე ხვადაგიანის გამარჯვებით დასრულდა! გამარჯვებულმა 9-დან 5,5 ქულა დააგროვა და პირველობა ბარბარე ცირეკიძესა  და ვერონიკა ტყეშელაშვილთან გაინაწილა. დამატებითი მაჩვენებლებით საპრიზო ადგილები  შემდეგნაირად განაწილდა:

ბელა ხოტენაშვილმა ფანტასტიური შედეგით გაიმარჯვა!

ბელა ხოტენაშვილმა დამაჯერებლად გაიმარჯვა  საჭადრაკო ფესტივალ ‘მაიას თასის’ ქალთა ‘B’ ტურნირში! უძლიერესი შემადგენლობის ტურნირში ბელამ, ფანტასტიური შედეგი დააფიქსირა - რვა გამარჯვება და მხოლოდ ერთი ყაიმი!ამასთანავე, 52,2 სარეიტინგო ქულაც მოიმატა.

გამარჯვებულს ერთი ქულით ჩამორჩა ნინო ხომერიკი, ხოლო მესამე ადგილზე 7 ქულით სოფიკო ხუხაშვილი გავიდა.

ღია  ტურნირის ტექნიკური შედეგები:

მედია ტურნირზე ჯირკვალიშვილმა იმარჯვა!

საჭადრაკო ფესტივალ ‘მაიას თასის’ ბოლო სატურნირო დღეს მედიის წარმომადგენლები  დაუპირისპირდნენ  ერთმანეთს.  ასპარეზობა 10 მონაწილეს შორის წრიული სისტემით 9 ტურად გაიმართა.

 

ტურნირზე პირველობა რვა გამარჯვებით და მხოლოდ ერთი ყაიმით დამაჯერებლად დაისაკუთრა ოთარ ჯირკვალიშვილმა!

ხოტენაშვილი დაწინაურდა!

'მაიას თასის' ქალთა ტურნირს პირველი სათამაშო დღის შემდეგ  ვაჟთა შორის საერთაშორისო დიდოსტატი ბელა ხოტენაშვილი (2371)ჩაუდგა სათავეში.ხუთი ტურის შემდეგ მის აქტივში ოთხი გამარჯვება და მხოლოდ ერთი ფრეა. ნახევარი ქულით ნაკლები დააგროვეს და II-IV ადგილებს ინაწილებენ: სოფიკო ხუხაშვილი (2303),ალექსანდრა ვახანია (2188) და ნინო ხომერიკი (2320).მომდევნო ტურში ერთმანეთს: ვახანია-ხოტენაშვილი და ხუხაშვილი - ხომერიკი დაუპირისპირდება.

ჯობავას გამარჯვებით დასრულდა!

დიდ დიღომში მდებარე  ‘ჭადრაკის დედოფლის’ აკადემიაში დასრულდა საჭადრაკო ფესტივალ ‘მაიას თასის’ A ტურნირი. საქართველოს ნაკრების ლიდერმა ბაადურ ჯობავამ 9-დან 7,5 ქულა დააგროვა და დამაჯერებლად მოიპოვა პირველობა. აღსანიშნავია, რომ ბაადურმა დამარცხების გარეშე განვლო ასპარეზობა.

გამარჯვებულს ნახევარი ქულით ჩამორჩნენ და 7 ქულით II-VI ადგილები გაინაწილეს: ფიერმა,მაღალაშვილმა,ჯოჯუამ,ფანცულაიამ და ვოლკოვმა.

ჯოჯუა და ფიერი ქულათა მაქსიმუმით დაწინაურდნენ...

‘დედოფლის აკადემიაში’ მიმდინარე მაიას თასის გათამაშების ‘A’ ტურნირზე 4 ტურის შემდეგ, ქულათა მაქსიმუმით  დავით ჯოჯუა და ალექსანდრ ფიერი დაწინაურდნენ. მომდევნო ტურის ცენტრალური შეხვედრა  მათი პარტია იქნება.

ლიდერებს ნახევარი ქულით ჩამორჩებიან: ბაადურ ჯობავა, დავიდ არუთინიანი, ბეგლარ ჯობავა, გიგა ყუფარაძე და დავით მაღალაშვილი.

გვერდები

Top